اسلام آباد۔31جولائی (اے پی پی):وزیر ءِ ھزانگ مفتاح اسماعیل ءَ گوشتگ کہ استیں حکومت ءَ ترندیں پیسلہ ءَ کنان ءَ ملک ءَ را ڈکال ءَ چہ رکھینگ بوتگ، عمران خان ءِ لُکوکیں پالیشی آنی سبب ءَ ملک ءَ را تاوان پجارینتگ، پیسریگیں حکومت ءِ پالیشی آنی سبب ءَ تجارت وام آنی تہءَ گیشی بوتگ، حکومت ملکی برآمدات ودینگ ءِ واستہ گیشاں چہ گامگیج کنگ ءَ انت۔ یک شمبے ءِ روچ ءَ پریس کانفرنس ءَ گوں گشتانک دیان ءَ بنجاھی وزیر ھزانگ مفتاح اسماعیل ءَ گوشت کہ گوزوکیں ماہ 5 بلین ڈالر ءِ درآمدات بوتگ۔ درآمدات آنی تہ ءَ کمی وشیں گپ ات۔ آئی ءَ گوشت کہ نون ءَ 3.8 بلین ءِ پٹرولیم ءِ سامان بھا رتگ، درآمدات آنی ت ءَ کمی ءِ سبب ءَ زر ءِ کدر برجا بوھگ ءَ انت، کوشست انت کہ ھندی صنعت ءَ را گیش دیمروئی دیگ بہ بیت۔ آئی ءَ وشت کہ پیسریگیں حکومت ءِ پالیشی ءِ سبب ءَ تجارتی وام آنی تہ ءَ گیشی بوتگ، ملکی برآمدات آناں ودینگ ءِ واستہ جوانیں گامگیج کنگ ءَ انت ، ما پاکستان ءَ را ڈکال ءَ چہ رکھینتگ۔
