کشمیر  ءِ جیڈھ: یونائیٹڈ  نیشن ءِ منوگری آنی رد ءَ  زوت گیواری ءِ   واھگ دار

اسلام آباد۔31جولائی  (اے پی پی):بھارت  ءَ  1947  ءَ   جموں کشمیر ءِ  سر ءَ  وتی  گیر کانودی  آوار جنگ   کشمیری الس آناں  بزگ کتگ، آ یونائیٹڈ نیشن ءِ منوگری آنی رد ءَ کشمیری آناں  آوانی جائزیں  وت واجئیں  ھک دیگ المی انت  وھدیکہ کشمیر آنی لوٹ  آزاتی    ءَ را   ڈگار جنگ ءِ واستہ  ایشاناں  ظلم ءُ  جبر ءُ زوراکی ءِ نشان  جوڑ کتگ۔  سیاسی     تجزیہ کار  ءُ   کلانہ  کشمیر ءِ جیڈھ  ءَ را کشمیر  ءِ  الس آنی  واھگ آنی رد ءَ   پکوئیں   گیواری    بہ بیت۔  یونائیٹڈ نیشن ءِ سلامتی کونسل ءَ 13 اگست 1948   ءَ  ءُ  5 جنوری 1949  ءَ ھوار بازیں موہ آنی سر ءَ وتی منوگری آنی تہ ءَ کشمیری   الس  آں گوں سوگند کتگ بوتگ کہ آواناں  وتی آیوکیں باندات  ءِ پیسلہ  ءِ واستہ  رائے شماری ءِ موہ پجاری کنگ بہ بیت۔  بلے اے   لائک ءِ توسیپی ءُ اپسوزی انت کہ بھارت  ءَ دو راجی  لیکہ آنی  پد ءُ رند   ءُ  یونائیٹڈ نیشن  ءِ منوگری  ءَ را       پد ءُ رند کنگ ءِ  بجایہ ءَ  کشمیر ءِ   جیڈھ ءِ  گیواری ءَ مدام   پندل مان کتگ ءُ  وت واجئی  ھک ءِ  دبائینگ ءِ واست ہ مقبوضہ جموں کشمیر ءَ بنی آدم  ھک آنی بے کساس  لگت مالی کتگ۔ کل جماعتی حریت   کانفرنس ءِ جنرل سیکرٹری  شیخ  عبدالمتین ءَ یونائیٹڈ نیشن ءِ منوگری ءِ  ارزشت  ءَ را سہرا کنان ءَ   گوشت کہ بھارت  مقبوضہ   کشمیر  ءَ بنی آدمی ھک ءِ  لگت مالی کنگ ءَ  انت۔  کشمیری  الس  بھارت  ءِ ریاستی ناشرکاری  آں ابید وت واجئی ھک ءِ واستہ  وتی تحریک ءَ جاڑی بدار  انت۔  یک شمبے ءِ روچ ءَ اے پی پی  ءَ گوں تران کنان ءَ  آئی ءَ گوشت کہ بھارت  یک منصوبگ  ءِ وسیلگ ءَ   پندل آنی چیر دستی ءَ کشمیری  آنی نشل کشی کنگ ءَ انت، مودی ءِ سروکی ءَ بھارتی  ناشرکاری   ءَ پڑ ے ایمنی  ءَ را دائو ءِ سر ءَ  جتگ۔  آئی ءَ گوشت کہ کشمیر ءِ سر ءَ 75  سال ءَ چہ جاڑیگیں گیر کانودی بھارتی  قبضہ ءُ بھارتی   فوج ءِ  ناشرکاری  کشمیر ی الس آنی  جوزگ  آناں  لگت مال کنگ ءَ کامیات  بوت نہ کت۔   یونائیٹڈ نیشن  وتی منوگری    ءَ پد ءُ  رند کنائینت۔  حریت کانفرنس ءِ  سروک ءَ گوشت کہ بھارت  ءِ 5 اگست 2019  ءِ گیر کانودی  ءُ یک نیمگی گامگیج آناں  واپس زورگ  لوٹ ائیت ءُ مقبوضہ دمگ   ءِ  آباتی  ءَ را مٹ کنگ ءِ واستہ  وتی گیر کانودی گامگیج ءَ را  اوشتارینگ لوٹ ایت۔     کلانہ  آ گوشت کہ  کشمیر ءِ جیڈھ  پکوئیں  گیواری  یونائیٹڈ نیشن ءِ منوگری ءِ رد ءَ    بہ بیت۔  کشمیری  آنی لوٹ انت کہ  یونائیٹڈ نیشن ءِ سلامتی کونسل  ءِ منوگری آنی   رد ءَ آواں وتی  آیوکیں باندات  ءِ پیسلہ وت کنگ ءِ موہ  پجاری کنگ بہ بیت۔