اسلام آباد۔ 20مئی ( اے پی پی) پاکستانئُُ چین 2016ئَ سفارتی تعلق ئِ 65سال سرجم بوھگ ئِ سرا دوستیئِ سال ئِ پڑئَ گوازینگ ئَ انت، ین ئُُ پاکستان ئِ نیام ئَ سک دوستانہ سیادی دفاعی، معاشی، دودئُُ ربیدگی ئُُ ایٹمی سیادی ئِ ھواری ئَ حکومتئُُ اُلس ئِ پڑ ئَ لا زوال ئُُ آزمودہ انت، پاکستان دگنیا ئِ اولی اسلامی ملک ات آئی ئَ چین ئَ کل آں چہ اول مننتگ۔ دوئیں ملک آنی نیمگئَ وتی سفارتی سیادی ئِ 65سال سرجم بوھگئَ لہتیں دیوان اڈ دئیگ ئِ تیاری کرت ۔دگنیا ئَ اُلس ئُُ حکومت آنی پڑ ئَ اے تعلق منفرد جہت داریت، دوئیں ملک آنی سروک ئُُ اُلس ئِ کمک ئَ اے دوستانہ سیادی ہر موسم ئُُ ہر وھد ئَ سمندر ئَ باز ، ہمالیہ ئَ برز، شہد ئَ شکر ئُُ آہن ئَ سک بوتگ دوئیں ملک ئِ نیام ئَ سیاسی اصول ئِ سرا ، پر امن بقائے باہمی، باہمی مفاد ئُُ دمگ ئُُ میاں استمانی پڑ ئَ بوﺅکیں بدلی ئِ سرا بروبر موقف داریت۔ دوستانہ ہمساھگ بوھگئِ ناتہ پاکستانئُُ چینئِ نیامئَ دمگی ئُُ میان استمانی جیڑھ ئِ سرا نزیکی رابطہ ئُُ ھواریں موقف دار انت۔ چینئَ ہر وھد ئَ نا شرکاری، پاکستانئِ سلامتی ئُُ راجی مفادنی سرا پاکستانئِ کمک ئِ ازم کرتگ انت۔ 21مئی 1951ئَ پاکستان ئُ چین ئِ نیام ئَ یکجا سفارتی سیادی اڈ بوتگ۔ ایشی ئَ پد دوئیں ملک آنی نیام ئَ دونیمگی دوستانہ سیادی ئِ تاریخ ئِ نوکیںباب ئِ بندات بوتگ، چین پاکستان سٹریٹجک شریداری ئِ سروک ئَ دوئیں ملک آنی سروک ئُُ اُلس ئِ مخلصانہ کرد ھاس منتگ۔ پاکستان ئَ تائیو، تبت، سنک کیانک ئِ ھوری ئَ دومی ھاسیں مسئلہ ئِ سرا چین ئِ سرجمی ئَ حمایت ئُُ کمک کرتگ چوشکہ چین پاکستان ئِ آجوئی، وت واجہی ئُُ دمگی سالمیتئِ رکھگ ئِ ھاترئَ پر ازم انت۔ ساڑی سال آں دوئیں ملک آنی سروک آں تسلسل ئَ تر ئُُ تاب کرت انت۔ ممنون حسین ئُُ نواز شریف ئَ پدا چین ئِ ترئُُ تاب کرت انت ئُُ ھاسیں چیز ئِ سرا چینی سروک آں گوں دو نیمگی سیادی ئِ ھوالہ ئَ گپ ئُُ تران کرت انت۔ اقتصادی کمکئِ اعتبار ئَ چین پاکستان ئِ دگنیا ئِ دومی مزنیں واپاری شریدار انت چوشکہ سرمایہ کاری ئِ اعتبار ئَ پاکستان ئَ جنوبی ایشیا ئَ چین کل آں چہ مزنیں سرمایہ کار انت۔ پاکستانئُُ چین ئِ نیام ئَ دو نیمگی واپاری حجم 18ارب ڈالر ئَ سر بوتگ انت ۔ گوستگیں 15سال ئَ دوئیں ملک آنی نیام ئَ 150ارب ڈالر ئَ چہ زیات ئِ منصوبہ ئِ سردستخط بوتگ، 46ارب ڈالر ئِ چین پاکستان اقتصادی راہداری منصوبہ ئَ توانائی، فنانس ، اطلاعات ئُُ کمیونیکشنز ئِ شعبہ جات ئَ ھاسیں دیمروی گندگ بیت۔ دفاعی کمک ئِ شعبہ ئَ سے سروسز ئِ گوں چین ئِ قابل قدر سیادی ھست انت۔ چینئَ پاکستان ایرو نا ٹیکل کمپلیکس ، ہیوی انڈسٹریزٹیکسلا، پاکستان آرڈیننس فیکٹری ئُُ منی ٹائم پراجیکٹس ئِ گوں ھواری ئَ میزائل فیکٹریز ئَ ہم کمک کرتگ انت۔ ایشی ئَ ابید ہیوی ری بلڈ فیکٹری ٹیکسلا، ہیوی مکینیکل ٹیکسلا ، ہیوی فورج اینڈ فاونڈری ئُُ پاکستان ایئرو نا ٹیکل کمپلیکس کامرہ ایشی مثال انت۔ جے ایف 17تھنڈر جنگی جہاز دوئیں ملک آنی نیام ئَ کمک ئِ شاہکار انت، جوہری کمک ئَ چین ئَ پاکستانئِ جوہری توانائی ئِ پر امن مکسد ئِکار مرز ئِ ھاتر ئَ سرجمیں کمک کرت انت۔ پنجاب ئَ کمر شل نیو کلیئر پاور پلانٹ ئِ سروکی ئَ چین ئَ سرجمیں کمک کرتگ۔ دوئیں ملک آنی نیام ئَ سک دو دئُُ ربیدگی سیادی اُلس ئِ پڑئَ سوگو بنیات ئِ سرا ھست انت۔ چین ئَ پاکستان ئِ نیمگئَ وتی ادارگ آں چینی زبان ئِ دیمروی ئِ ھاتر ئَ کرتگیں کوشست آں سہڑائینتگ انت۔
