اسلام آباد۔30جولائی (اے پی پی) پولیو ءِ گر ءُ دار ءَ را گہتر کنگ ءِ واستہ ھاسیں ایمرجنسی پلان رد ءُ بند کنگ بوھگ ءَ انت، مزن وزیر محمد شہباز شریف ءَ خیبر پختونخوا صوبہ ءَ پولیو ءِ گیش بوھوکیں کیس آنی ھوالگ ءَ دلرنجی ءِ درشان کنان ءَ حکومت سرجمیں ملک ءَ پولیو ءِ گر ءُ دار ءِ گامگیج ءَ را گیش گہتر کنگ ءِ واستہ ھاسیں بنیاتی گامگیج کنگ ءَ انت۔ شمبے ءِ روچ ءَ وتی ٹویٹ ءَ مزن وزیر ءَ آدینگ ءِ روچ ءَ بل اینڈ ملینڈا گیٹس فائونڈیشن (بی ایم جی ایف) ءِ شریک چیئرمین بل گیٹس ءِ گوما وتی ٹیلی فونک تران ءِ ھوالگ ءَ دیان ءَ گوشت کہ اے موہ ءِ سر ءَ پولیو ءِ ھلاسی ءَ ھوار السی جان سلامتی ءِ جتا جتائیں جاڑیگیں منصوبگ آں ابید پاکستان ءَ بی ایم جی ایف ءِ کمک ءَ چاگردی شوبگ ءَ جاڑیگیں جتا جتایں منصوبگ آنی ھوالگ ءَ ھیال ریچی کنگ بوت۔
