اسلام آباد۔29جولائی (اے پی پی):نریندر مودی ءِ ہندوا توا حکومت ءَ اسرائیلی وڑ ءُ پیم آناں نقل کنان ءَ جمون کشمیر ءَ کشمیری آنی جائیداسد آناں زبت کنگ بندات کتگ تانکہ آوانی سر ءَ وت واجئی ءِ در جنگ ءِ واستہ جاڑیگیں وتی جائز یں جہد ءُ کوشست آناں رد کنگ ءِ واستہ دبائو دیگ بہ بیت۔ کشمیر میڈیا سروس ءِ نیمگ ءَ جاڑی بوتگیں یک رپوٹے ءِ رد ءَ گوشگ بوت کہ فسطائی مودی حکومت ءَ کشمیری آناں وتی گس ءَ بے گس کنگءِ تاجگیں گامگیج آنی ساھت ءَ گیر کانودی چست ءُ ایر آنی گر ءُ دار ءِ کشاں چیل یو اے پی اے ءِ چیر دستی ءَ سرینگر ءَ گیش 5 کشمیری آنی گس آناں زبت کتگ۔ رپوٹ ءَ ٹک ءُ نشان دیگ بوتگ کہ مودی اسرائیل ءِ نکش کدم ءَ چلگ ءَ انت ایش بازیں سال ءَ چہ فلسطینی آنی گس آناں پروشگ ءَ انت ءُ آوانی مات ءُ پت ءِ گس ، ھنکین ءَ چہ در کنگ ءَ انت تانکہ جموں کشمیر ءَ یہودی آبادی ءِ کشک ساپ ءُ سلہ کنگ بہ بیت۔ رپوٹ ءَ اپسوزی ءِ درشان کنگ بوت کہ بھارت کشمیری آنی آجوئی ءِ گوانک ءَ را ڈگار جنگ ءِ واستہ ھمک رنگیں نمونگ کارمرز کنگ ءَ انت بلے اے پندل ءَ چہ دمگ ءِ مردم آناں آجوئی ءِ گوانک ءَ چہ دست کش کت نہ کنت۔ رپوٹ ءَ گوشگ بوت کہ میاں اوستمانی برات آناں لوٹ ائیت کہ آ جموں کشمیر ءَ مودی حکومت ءِ کشاں چیل ءِ گامگیج آنی سر ءَ نوٹس بہ زور ائیت۔
