اسلام آباد۔ 29 جولائی (اے پی پی) سینیٹ اٹی قائد ایوان اعظم نذیر تارڑ پارینے کہ پی ٹی آئی آئین وکانود آ جلہو کرینے، عمران خان نا برخلاف 10 مقدمہ مون آ بسنے۔ جمعہ نادے آ بڑزکو ایوان نا دیوان اٹی گپ وتران کرسا پارے کہ پی ٹی آئی آئین و کانود آ جلہو کرے۔ عمران خان نا برخلاف 10 مقدمہ مون آ بسنے، داوڑ ولدا ہیت کینہ۔ اوپارے کہ نوکاپ قدرتی آفت اسے۔ سد آ مخلوق بے اُرا مسنو، صوبہ بلوچستان ، خیبرپختونخوا ، سندھ و سویلی پنجاب ڈبینگ انگ ءُ۔ داوخت آ نن نوکاپ زہمی تتون یکجہتی نا درشانی ءِ کننگ کن سیوت نا درشانی ءِ کین۔
