اسلام آباد۔ 29 جولائی (اے پی پی) اسپیکر قومی اسمبلی راجہ پرویز اشرف قومی اسمبلی ٹی پڑو کرینے کہ پاکستان تحریک انصاف نا 11 مستعفی قومی اسمبلی نا باسک آتا استیفہ غاتے منظور کننگانے و اوفتا سیٹ آک خور مسنو۔ جمعہ نا دے آ قومی اسمبلی ٹی اسپیکر راجہ پرویز اشرف ایوان ءِ معلومدار کرے کہ 11 اپریل آ این اے 22 مردان آن قومی اسمبلی نا باسک علی محمد خان، فضل محمد خان (NA-24( ، فخر زمان خان کرم ون (NA-45)، فرخ حبیب (NA-108)، اعجاز احمد شاہ (NA-118)، جمیل احمد کان (NA-237) ، محمد اکرم چیمہ (NA-239)، عبدالشکور شاد (NA-246)، ڈاکٹر مہر النسا شیریں مزاری (جتا نشست) ، شاندانہ گلزار خان (جتا نشست) تینا نشست آتیان استیفہ تسوسر ہرافتے آئین و رولز آف بزنس نا رداٹ منظور کننگانے و 11 اپریل آن اوفتا نشست آک خور مسنو۔
