کوئٹہ۔ 29 جولائی (اے پی پی) ڈپٹی کمشنر جھل مگسی ڈاکٹر شرجیل نور پارینے کہ ضلعی انتظامیہ نوکاپ زہمی تیکن ہرممکن گام گیج آتے پک کننگ ءِ تانکہ مچ آ ضلع نا کنڈ کنڈ انا زہمی بندغ آتے کمک فراوان کننگ مرے۔ داخیال آتا درشانی ءِ او جھل مگسی نا علاقہ ٹی راشن و ٹینٹ بشخنگ اٹی نوکاپ زہمی تتون گپ وتران کرسا کرے، ڈپٹی کمشنر جھل مگسی ڈاکٹر شرجیل نور پارے کہ چیف سیکرٹری بلوچستان عبدالعزیز عقیلی و کمشنر نصیر آباد ڈویژن فتح خان خجک نا پرمان تیا پورو وڑاٹ عملدرآمد کننگ انگ ءِ نوکاپ زہمی تا نن ہروڑاٹ کمک ءِ کینہ، بلوچستان حکومت نا کنڈآن ضلع جھل مگسی نا نوکاپ زہمی تیکن مست آن ساڑی فراوان کروک کمکی گڑاتا بشخنگ نا عمل بناکرینے۔ ٹینٹ راشن تون اوار المی آ گڑاتا بشخنگ آن زہمی بندغ آتا گڑاس است بڈی مریک۔ اوپارے کہ بشخنگ نا عمل تینا چاروکی ٹی بناکرفینٹ تانکہ ہموبندغ آتے غٹ آن مست راشن و ٹینٹ تننگے ہرا غٹ آن زیات ضرورت مند مریر۔ ڈپٹی کمشنر نوکاپ زہمی تتون گپ وتران کرسا مستی پارے کہ اولیکو ریسہ ٹی ہمو بندغ آتیٹی گڑا بشخنگ انگ ءِ ہرا داوخت آ بھاز بے وڑ حالیت اٹی زند ءِ تیر کننگ ءُ کسر تا ملنگ آن پد غٹ تر چکار نوکاپ زہمی تا پورو بحالی آ کننگک، داوخت آ کسر تا بند مننگ نا سوب آن ضلعی انتظامیہ ءِ مشکل مون تروک ءِ ، انشاء اللہ بھاز زوت کسر تا بحالی نا عمل نا بناءِ کننگک و ننا پبی کوشست ءِ کہ دا خلق آتا کسر تے پورو وڑاٹ بحال کننگک ہراڑے داسہ ہم کسر آک بند ءُ ، و نوکاپ اٹی ساڑی ءُ۔
