کوئٹہ۔ 29 جولائی (اے پی پی) ڈپٹی کمشنر پشین ظفرعلی محمد شہی بشام نا پِر تیان ودی مروک آ حالیت آتا جاچ ءِ ہلنگ کن ضلع پشین نا دورہ ءِ کرے و رود ملازئی، خانوزئی، مرغہ زکریازئی ، ملیزئی و بند خوشدل خان ڈیم اتون اوار چندی ہند آتیا ندی نالہ غاتا جاچ ءِ ہلک۔ اوکمکی سرجز آتے ہُرسا خدائیداد زئی ڈیم انا چاروکی کن عملہ تعینات کرے۔ اوپارے کہ ساڑی آ بشام نا پِر تیان زہمی بندغ آتے خور، تمبو و دوائی تا فراوانی نا چرجوئی برجاءِ۔ ایریگیشن آفیسر آک ڈپٹی کمشنر ءِ پِر تیان ودی مروک آ حالیت آتیا حوال تسر۔ ڈپٹی کمشنر اسسٹنٹ کمشنر، ایریگیشن عملہ و میونسپل کمیٹی و لیویز نا کارندہ غاتے کمکی سرجزآتے پین گچین ومربوط کننگ نا پارت کرے و پارے کہ کمکی سرجزو بحالی نا گام گیج آتے پین ودفنگے تانکہ الس ءِ دمدستی وڑاٹ ریلیف ملے و ہر زہمی علاقہ اسکان دمدستی رسینگ ءِ پک کننگے، دا چرجوئی ٹی ڈیوالئی ءِ سگنگ پننگک۔
