کوئٹہ۔ 29 جولائی (اے پی پی) بنجائی محتسب اعجاز احمد قریشی نا نیام تمنگ آن ریڈیو پاکستان نا مسکوہی کنٹرولر کوثر ثمرین ءِ بیرہ مسہ دے انا تہہ ٹی پنشن ملا ہراڑآ مسکوہی کنٹرولر بنجائی محتسب نا منت واری ءِ ہرفسا نوشتہ کرینے کہ بنجائی محتسب نا دمدستی ایکشن آن نئے بیرہ کنے بلکن چار ہزار آن زیات پنشنر آتے بھاز فریشانی آن پد عئید آن مست پنشن ملا۔ یات سلے کہ غاو تروک بھلا عئید آن بیرہ شش دے مست بنجائی محتسب تون رابطہ کریسس، ہراڑآ دمدستی کارروائی کرسا 05 جولائی آ بنجائی محتسب نا رجسٹرار محمد ثاقب خان پاکستان براڈ کاسٹنگ کارپوریشن (پی بی سی ) نا ڈائریکٹر جنرل آن رپورٹ بٹنگا۔ پی بی سی ہم بنجائی محتسب سیکرٹریٹ نا چٹھی آ دمدستی کارروائی کرسا مسہ دے انا تہہ ٹی غاوتروک ءِ اونا پنشن و ایلو سلوک آ پیسہ غاتے تس ہراڑآ غاو تروک بنجائی محتسب نا منت واری ءِ ہرفسا نوشتہ کرینے کہ دافیصلہ غان پی بی سی نا چار ہزار آن زیات پنشنر آتے اوفتا پنشن رسینگانے ہراڑآن اوفتا عئید انا خوشیک ہنداخہ پین زیات مسنو۔
