کوئٹہ۔28جولائی (اے پی پی):بلوچستان نیشنل پارٹی ءِ بنجاھی سروک بلوچستان اسمبلی میر محمد اکبر مینگل ءَ حکومت ءَ گوں لوٹ کت کہ آڑینجی،سارونہ، اررناچ ، وڈھ ءَ ھوار ضلع خضدارءَ را آماچ بوھوکیں دمگ ءِ نامینگ ءِ واستہ زوتیں بنیات ءَ ریلیف آپریشن بندات کنگ بہ بہت استیں توپانی ھور ءُ سیلاپ ءَ چہ وڈھ آرینجی سارونہ ءِ نزیکیں دمگ آنی تہ ءَ تباہی کتگ ضلع خضدار ءَ را زوتاں چہ زوت آماچیں دمگ ءِ نیمگ بہ بیت۔ میر اکبر مینگل ءَ گوشت کہ سرجمیں ضلع ءَ تاوان رستگ وھدیکہ مال ءُ دلوت سیلاپ ءِ آپ ءَ برتگ انت گس پرشتگ انت۔ بلوچستان حکومت، پی ڈی ایم اے ءُ ضلعی انتظامیہ ءَ را کمکی چست ءُ ایر آنی تہ ءَ ترندی آرگ ، آماچیں مردم آنی وھد ءُ موہ ءِ سر ءَ کمک پجاری تانکہ گیش تاوان ءَ چہ بہ رکھ ائیت۔ بلوچستان نیشنل پارٹی ءِ بنجاھی سروک ءُ بلوچستان اسمبلی ءِ باسک میر محمد اکبر مینگل ءَ استیں ھور ءُ سیلاپ ءَ چہ جانی ءُ مالی تاوان بارءِ پد ءَ اپسوزی ءِ درشان ءَ کنان ءَ آماچیں مردم آں گوں دلی یکوئی ءِ درشان کت۔ آئی ءَ گوشت کہ آڑینجی، سارونہ ، وڈھ ءَ ھوار ضلع خضدار ءَ مزنیں کسا س ءَ گس ءُ لوٹ پرشتگ انت، چات ٹیوب ویل ءُ کشار آناں سک باز تاوان رستگ ، آماچیں مردم آنی برجائی ءُ آسودگی زمیندار آنی تاوان آنی کچ ءُ کساس کنگ ءِ واستہ حکومت ءَ را وتی کرد پیلو کنگی انت۔
