اسلام آباد۔28جولائی (اے پی پی):امیر البحر ایڈمرل محمد امجد خان نیازی ءَ گوشت کہ پاک بحریہ کجام ھم نمونگ ءِ کشاں چیل ءِ پسو ءَ را دیگ ءِ واستہ تیار انت۔ آ پنچ شمبے ءِ روچ ءَ نیول ہیڈ کوارٹرز اسلام آباد ءَ پاک بحریہ ءِ کمانڈ اینڈ سٹاف کانفرنس ءَ گوں گشتانک دیگ ءَ ات۔ ترجمان پاک بحریہ ءِ رد ءَ آپریشنل تیاری ءُ ورنا آنی ھیال کاری ءُ گہبود ءِ کار آنی سر ءَ چار ءُ بچار گرگ بوت۔ امیر البحر ءَ را پاک بحریہ ءِ جاڑیگیں ءُ ایندگر دیمے کار ءُ منصوبگ آنی سر ءَ بریفنگ دیگ بوت۔ امیر البحر ءَ نوکیں ٹیکنالوجی ءِ در جنگ ءِ وسیلگ ءَ پاک بحریہ ءِ ازم کاری آنی تہ ءَ گیشی ءِ گامگیج ءُ آپریشنل تیار ی آناں ساڑات نیول چیف ءَ سیلاپ ءُ ھور آں چہ آماچیں دمگ آنی تہ ءَ جاڑیگیں کمکی چست ءُ ایر آنی تہ ءَ کمک ءُ آماچیں الس ءَ را ھمک رنگیں کمک پجاری ءِ وتہ فیلڈ کمانڈر ءَ را ھاسیں پنت ءُ شون ھم کت۔
