اسلام آباد۔ 28 جولائی (اے پی پی) بنجائی وزیر کانود و انصاف سینیٹر اعظم نذیر تارڑ تون اقلیت آتا نمائندہ غاک اوڑدہی کرینو۔ اوڑدہی ٹی اقلیت آتا حق اکن کاریم کروک آ ادارہ غاتا بابت وزیر کانود ءِ حوال تننگا۔ پنچ شنبے نادے آ وزارت کانود و انصاف آن جاری بیان نا رداٹ اوڑدہی ٹی نمائندہ غاک اقلیت آتے جان جوڑی، تعلیم و ایلو بشخ آتیٹی مون تروک ویل آتیان وزیر کانود ءِ معلومدار کننگا۔ وزیر کانود اقلیت آتے مون تروک ویل آتا ایسری کن ہرممکن کمکاری نا باور کرفے۔
