اسلام آباد۔ 28 جولائی (اے پی پی) بنجائی حکومت چین پاکستان اقتصادی راہداری ڈٹ (سی پیک ) نا رداٹ کشت وکشار نا بشخ ءِ پوسکن آ وڑتتون ہم گرنچ کننگ کن اولیتی بنداو تیا گام گیج کرینے۔ پلاننگ کمیشن کمامدارآتا رداٹ بنجائی حکومت سی پیک نا رداٹ کشت وکشار نا بشخ ءِ پوسکن آ کچ آتیان روشناس کرفنگ آن، کشارگر آتا زند انا آب ءِ گچین کننگ و قومی زرگزران اٹی اونا مثبت اثرآتے ودفنگ کن خاص چکار کننگ ءِ انتئے کہ کشت وکشار قومی زرگزران آ اثرانداز مروک آ غٹ آن بھلا بشخ ءِ۔ کشت وکشار اٹی پیدواری لائخی ءِودفنگ کن تکنیکی شونداری بھاز المی ءِ۔ چین سی پیک نا ارٹ میکو ریسہ نا رداٹ کشت وکشار نا بشخ اٹی ٹیکنالوجی نا گدریفنگ آ امناکرینے۔ کشت وکشار پاکستان نا قومی زرگزران کن اہم ءِ ہرا اسہ اہم برآمدی صنعت اس ہم ارے ہراڑآن پاکستان ءِ درملکی زرمبادلہ نا اسہ بھلو بشخ اس دوئی مریک ۔ داکان بیدس ہم دا زرگزران نا ایلو بشخ آتا شونداری کن ہم کمک فراوان کیک۔ سی پیک نا فریم ورک انا رداٹ کشاری کمکاری پاکستان نا کشاری شونداری حالیت آتا رداٹ بایدے مرے، انتئے کہ ہڑتوم آ تا نیام اٹ کشاری انفارمیشن ایکسچینج و ٹریننگ، کشاری پروسیسنگ کشاری مشینری مینو فیکچرنگ اینڈ مینٹی نینس، جوجک کسفوک دوائی تا بست وبند پین پین اٹی تین پہ تینی کمکاری نا بھلو تاریخ اسے وخت اس کہ پنجاب و سندھ انا قطبی بشخ آتون اوار اوار دا ڈیہہ ٹی کشت وکشار ءِ پوسکن کننگ و صنعتی جوڑ کننگ تون اوار اوار کشاری مصنوعات آتا برآمد آتے ہم مون آ دننگک۔
