
اسلام آباد۔27جولائی (اے پی پی):صدر مملکت ڈاکٹر عارف علوی ءَ گوشت کہ جان سنوری یک نامداریں کوہ سرکپوک ءِ بوتگ ءُ کوہ سرکپگ ءِ ازم ءَ باز واھگ ءُ واھشت داروک ءِ بوتگ۔ آئی ءَ اے شوبگ ءِ دیمروئی ءِ واستہ جوانیں کرد پیلو کتگ۔ اے ھیالانی درشانی آئی ءَ چار شمبے ءِ روچ ءَ کوہ سرکپوک جان سنوری ءِ گس ءِ مردم آں گوں ایوان ءِ صدر ءَ گند ءُ نند ءِ ساھت ءَ کت۔ گند ءُ نند ءَ جان سنوری ءِ جنوزام لینا موئے، زھگ ہالا کیرن ءُ گہار کرسٹن ھم ساڑی اتنت۔