اسلام آباد۔27جولائی (اے پی پی):قومی اسمبلی ءَ مون سون ءِ جاڑیگیں ھور آں چہ سرجمیں ملک ھاسیں رنگ ءَ سندھ ءُ بلوچستان ءَ بوھوکیں تاوان آنی ھوالگ ءَ چار ءُ تپاسی گرگ بوت ءُ باسک آں آماچیں دمگ آنی نشان دیگ ءُ بنجاھی حکومت ءَ چہ ھاسیں ریلیف پجاری کنگ ءِ لوٹ کت۔ چار شمبے ءَ راجی اسمبلی ءَ بلوچستان عوامی پارٹی ءِ پارلیمانی لیڈر خالد حسین مگسی ءَ گوشت کہ استیں ھور آں چہ سرجمیں بلوچستان آماچ بوتگ۔ لسبیلہ ءِ رابطہ سندھ ءَ چہ کٹ بوتگ۔ جھل مگسی 80 درسد آپ ءَ چہ بڈ اتگ، نصیر آباد، کچھی ءَ سڑک آنی نیٹ ورک کٹ بوتگ، مزن وزیر ءَ گپ کتگ، مردم پستگ انت۔ مار ءِ ورگ ءِ بازیں کیس دیم ءَ اتکگ انت ایشی ءِ واستہ ویکسین آنی وھد ءُ موہ ءِ سر ءَ پجاری المی انت۔ مزن وزیر ءَ ھم حکم جاڑی کتگ ءُ امیت انت کہ کمک ءِ پجاری ءَ گہتری کئیت انت۔ اسلم بھوتانی ءَ گوشت کہ استیں ھور ءَ چہ بلوچستان ءَ بازیں تاوان رستگ۔
