اسلام آباد۔27جولائی (اے پی پی): حزانگءِ ملکی وزیر و ریونیو ڈاکٹر عائشہ غوث پاشا ءَ گشتگ کہ حکومت ءَ سرکاری کمپنی آنی ھاترءَ نوکیں قانود جوڑ کتگ، حرچ آنی تہا کمی ءُ نقصان ءَ را کمک کنگءِ سرءَ دلگوشی دیئگ ءَ اِنت، سرکاری کمپنی آنی کارء ُ کارءَ را گہتر کنگءِ باز ضلورت اِنت۔ اے ھیالانی درشانی آئی ءَ چارشمبے ءِ روچ ءَ سرکاری کمپنی آنی تہا مٹء ُبدلی ءِ ہوالگءَ حزانگءِ وازت ءِ سیمینار ءَ گوں تران کنان ءَ کتگ۔ آئی ءَ گشتگ کہ سرکاری کمپنی آنی تہا مٹء ُ بدلی آرگ باز حاسیں سرھال اِت، 200 ءَ چہ گیش سرکاری کمپنی بازیں پڑآں کار کنگ ءَ اَنت، لھتیں کمپنی کمپنیز ایکٹ ءِ ردءَ مٹء ُ بدلی باز حاسیں سرھال اِت، 200 ءَ چہ گیش سرکار ی کمپنی بازیں پڑآں کار کنگءَ اَنت۔ آئی ءَ گشتگ کہ نوکیں کانود ءِ ردءَ سرکاری کمپنی آنی کارء ُ کرد ءِ سرءَ چم شانک دیئگ ءِ ھاترءَ حزانگءِ وزارتءِ تہا مانیٹرنگ یونٹ جوڑ کنگ بیت، حزانگءِ وزارت سرکاری کمپنی آناں کنٹرول کنگ نالوٹاں ، وزارت اے کمپنی آنی انتظامی ء ُ مالی جیڑہ قانودءِ ردءَ کنگ لوٹ ایت۔ آئی ءَ گشتگ کہ سرکاری ادارگ آناں سروس ڈلیوری الم کنگ لوٹ ایت، مرچیگیں دورءِ تہا درائیں بزنس آنی سرء َ کار کنگ ءِ ضلورت اِنت، سرکاری ادارگانی بورڈ آف ڈائریکٹرز آناں اثر مند کنگ لوٹ ایت، ایشی ءَ ابید ملک ءَ را نقصان ء ُ وامانی بارءِ چیرءَ چہ درکنگ ءِ ضلورت اِنت۔
