اسلام آباد۔ 27 جولائی (اے پی پی) صدر مملکت ڈاکٹر عارف علوی قوم انا نرزور گلزادہ کیپٹن محمد سرور شہید(نشانِ حیدر) ءِ اونا یوم شہادت آ شاندار لوز آتیٹی خراج عقیدت پیش کرینے۔ ایوان صدر نا پریس ونگ آن جاری بیان نا رداٹ صدر مملکت کیپٹن محمد سرور شہید نا یوم شہادت آ تینا کلہو اٹی پارے کہ او 1948 اٹی کشمیر اٹی دفاعِ وطن نا خاطر جان نا نذرانہ پیش کرے۔ صدر مملکت قوم انا نرزور گلزادہ ءِ خراج عقیدت پیش کرسا پارے کہ کیپٹن محمد سرور شہید دشمن نا نرزوری و جوانمردی اٹ مقابلہ کرے، شہید تینا دتر و نرزوری اٹ قوم ءِ پوسکن ءُ زند اس تس۔ صدر ڈاکٹر عارف علوی پارے کہ قوم وطن نا دفاع کن جان ندر کروک آ شہید آتا احسان مند مریک۔ اوکیپٹن محمد سرور شہید و ایلو غٹ شہید آتا درجہ غاتا بڑزی کن دعا ہم کرے۔

متعلقہ مضامینمصنف کی طرف سے مزید