اسلام آباد۔ 27 جولائی (اے پی پی) بنجائی وزیر ڈٹ بندی ، شونداری، اصلاحات و خصوصی گام گیج پروفیسر احسن اقبال پارینے کہ پاکستان و ترکی نا نیام اٹ تعلقداری تاریخی و مذہبی بنداو تیاٹی ءِ، ہڑتوم آ ملک آتا نیام اٹ یونیورسٹی تین پہ تینی ٹویننگ پروگرام اٹ اسہ ایلو نا آزموندہ غاتیان فائدہ دوئی کننگ نا وارخواہی فراوان مریک۔ داخیال آتا درشانی ءِ او پاکستان اٹی ترکی نا سفیر مہمت پچاجی تون گپ وتران کرسا کرے ہرا چارشنبے نادے آ داڑے اوڑتون اوڑدہی کرے۔ داوخت آ بنجائی وزیر پارے کہ پاکستان و ترکی نا نیام اٹ تعلقداری تاریخی و مذہبی بنداو تیا ٹی ءِ۔ ترکی کن پاکستانی الس نا است اٹ خاص جوزہ ءِ۔ بنجائی وزیر پاکستان و ترکی نا نیام اٹ زرگزرانی پڑاٹ تعلقداری تے پین سوگو کننگ آ زور شاغسا پارے کہ ہڑتوم آ ملک آتا نیام اٹ یونیورسٹی تین پہ تینی ٹویننگ پروگرام اٹ اسہ ایلو نا آزموندہ غاتیان فائدہ دوئی کننگ نا موقع فراوان مریک۔ اوپارے کہ تعلیمی بشخ اٹی اسٹوڈنٹ و فیکلٹی ایکسچینج پروگرام و جامعہ غاتا نیام اٹ رابطہ تین پہ تینی تعلقداری تے پین سوگوی نا سوب مریک۔
