اسلام آباد۔ 27 جولائی (اے پی پی) نیشنل ہائی وے اتھارٹی (این ایچ اے) بورڈ حب برج ءِ دُوارہ تفنگ نا منظوری ءِ تسنے۔ بورڈ انا دیوان چارشنبے نادے آ چیئرمین این ایچ اے کیپٹن (ر) خرم آغا ناکماشی ٹی این ایچ اے ہیڈکوارٹر اٹی اڈ ہلک۔ ترجمان نیشنل ہائی وے اتھارٹی نا رداٹ بنجائی وزیر مواصلات مولانا اسعد محمود نا پارت آ این ایچ اے بورڈ اہم گام گیج کرسا حب برج ءِ دُوارہ تفنگ نا منظوری ءِ تس۔ این ایچ اے بورڈ دیوان اٹی حب بائی پاس جوڑ کننگ نا ہم منظوری ءِ تننگا۔ داوخت آ چیئرمین این ایچ اے نوکاپ آن مروک آ نسخان تا زوت پوروی ءِ کننگ نا پارت کرے۔ چیئرمین این ایچ اے فیلڈ عملہ ءِ ہروڑنا ہلہلہ ئی حالیت آتیا الرٹ مننگ نا پارت کرینے۔ بنجائی وزیر مولانا اسعد محمود پارے کہ حب برج و بائی پاس سندھ و بلوچستان ءِ اسہ ایلو تون ملفک ہراڑآن سندھ و بلوچستان نا الس ءِ براہ راست فائدہ مریک۔

متعلقہ مضامینمصنف کی طرف سے مزید