جست ایش اِنت کہ فل کورٹ چیا کنگ نابوت؟ جیڑہ پنجاپ ءَ کجام ہم حکومت ءِ نا اِنت، آئین ء ُ انصاف  ایگ اِنت، مریم اورنگزیب

اسلام آباد۔26جولائی  (اے پی پی): حال  ءُ اھیوال کاری ءُ شنگکاری ءِ بنجاہی وزیر مریم اورنگزیب ءَ گشتگ کہ جست ایش  اِنت کہ فل کورٹ چیا کنگ نابوت؟ جیڑہ پنجاپ ءَ  کجام ہم حکومت ء ِ نااِنت،  آئین ءُ انصاف ایگ اِنت۔ سئے شمبے ءِ روچءَ وتی بیان ءِ تہا آئی ءَ گشتگ کہ عمران خان ء ُ چوہدری شجاعت ءِ یک وڑیں  نمدیانی سرءَ جتاہ جتاہیں تشریخ چیا؟ آئین  پروشوک عمران خان ءِ نمدی ءِسرءَ 25 نامنوکیں باسکاناں ووٹ دیئگ ءِ اجازت دیئگ نہ  بوتگ ءُ ڈی سیٹ ہم  بوتاں  ءُ ووٹ  ہم حساب کنگ نابوتاں، چوہدری شجاعت ءِ نمدی ءِ سرءَ ووٹ دیئگ ءِ اجازت ء ُ ووٹ شمار چیا بہ بنت۔ آئی ءَ گشتگ کہ 3 اپریل ءَ را عمران خان ءِ پارٹی سروک ءِ ارزشت نمدی ءِ تشریح ء ُ 22 جولائی ءَ  چوہدری شجاعت ءِ ہم  پارٹی سروک ء ِ ارزشت ءَ نمدی ءِ تشریح ءِ تہا تپاوت چیا؟ اے چونیں انصاف اِت کہ عمران خان ءِ چھٹ  حرار ء ُ چوہدری شجاعت حسین ءِ حرام اِنت۔ آئی ءَ گشتگ کہ جیڑہ پنجاپ ءِ تہا ایچ حکومت ءِ نااِنت، جیڑہ نوں آئین ءُ انصاف ایگ اِنت۔