سپریم کورٹ نا فل کورٹ ڈپٹی اسپیکر پنجاب اسمبلی نا رولنگ نا فیصلہ نا اہم کیس ءِ بِنے، نن غٹ او فیصلہ ءِ امنا کینہ، وزیر خارجہ بلاول بھٹو زرداری

اسلام آباد۔ 25 جولائی (اے پی پی) پاکستان پیپلزپارٹی نا چیئرمین وزیرخارجہ بلاول بھٹو زرداری وزیراعلیٰ پنجاب نا گچین کاری نا بابت کیس انا سماعت کن سپریم کورٹ نا فل بینچ اس ٹہیفنگ نا خواست کرسا پارینے کہ نن پارلیمنٹ ءِ واکدار جوڑ کننگ کن بھلو جہد اس کرینن، نن خوانہ کہ ملک آئینی وڑاٹ چلینگے، عمران خان نا زور اٹ برسا آئین ءِ بدل کننگ مفک۔ حکومتی سیوت اٹ اوار سیاسی جماعت آتا راہشون تتون اوار پریس کانفرنس اٹی او پارے کہ نناموقف ءِ سپریم کورٹ نا فل کورٹ بنچ و سپریم کورٹ نا غٹ جج آک ڈپٹی اسپیکر پنجاب اسمبلی نا رولنگ نا فیصلہ نا اہم کیس ءِ بنر، اونا انت کہ فیصلہ اس مریک، اوآئین و کانود نا رداٹ مریک، نن غٹ او فیصلہ ءِ امنا کینہ، بلاول بھٹو زرداری پارے کہ غٹ جمہوری جماعت آتا اسہ ہی خواست ءِ کہ فل کورٹ بنچ اس جوڑ کننگے۔ پاکستان پیپلزپارٹی نا چیئرمین پارے کہ ہراتم غٹ جج آک کیس ءِ بنرہ تو کس اسے فیصلہ غا اعتراض مفک۔ گڑاسے آن برداشت مفننگ ءِ کہ پاکستان جمہوری وڑاٹ مون آ کائے، پاکستان نا الس ءِ کلہو سرکننگ کن یکجا مسونن۔ پاکستان پیپلزپارٹی نا چیئرمین پارے کہ مریم نواز شریف ءِ زندان اٹ شاغنگا، فریال تالپور ءِ اسلام آباد اٹی ہسپتال نا کٹ آن عئید انا نن گریسا زندان اٹی شاغنگا۔ اوپارے کہ پاکستان نا الس ءِ مسہ سال اسکان قربانی تروئی تما، ننا کارندہ غاتیا بیدادی کننگا، چارسال ظلم آن پد ہم نن صبر کرین، بلاول بھٹو زرداری پارے کہ نن پارلیمنٹ ءِ سوگو کننگ کن بھلو جہد کرین، نن خوانہ کہ ملک آئینی وڑاٹ چلینگے، گڑاسے آن برداشت مفننگ ءِ کہ پاکستان جمہوری وڑاٹ مون آ کائے، گڑاس واکدار جمہوریت نا کنڈآ ہنوک آ پاکستان ءِ سگپننگ ءُ۔ اوپارے کہ ملک انا برخلاف اسہ سازش اسے ہم سرسہب مننگ کن الیپنہ۔