عمران خان نا پروجیکٹ بے سہب مسنے، خواجہ سعد رفیق

لاہور۔ 25 جولائی (اے پی پی) مسلم لیگ (ن) نا راہشون بنجائی وزیر ریلوائی خواجہ سعد رفیق پارینے کہ عمران خان ءِ داخاطرآن اتنگاکہ بے نظیر و نواز شریف نا چہرہ جوان لگیتوکہ، اینو نن آئین و جمہوریت نا بالادستی کن یکجا مسونن۔ لاہور احتساب عدالت اٹی پیشی نا وخت آ میڈیا تون گپ وتران اٹی خواجہ سعد رفیق پارے کہ عمران خان نا پروجیکٹ بے سہب مسنے ، اودے لانچ کروک آک داسہ فریشان ءُ، نن بے پتی اس اتسا گناہ اس کرین؟ آئین ءِ پارلیمنٹ ہی نوشتہ کننگ کیک۔ خواجہ سعد رفیق پارے کہ اگہ عمران خان نا برخلاف تحریک بے پتی بتوکہ تو من پسند بندغ آتا تقرری تتون ای وی ایم نا کمک اٹ عمران خان ءِ گیشتری ترفوئی ئسک، ننا کیس اسٹ ءِ، نن پاکستان ءِ آجو ہُننگ خوانہ۔ اوپارے کہ پاننگے کہ سیاسی جماعت آتا برخلاف جتا ٹرینڈ چلیفنگ کن پیسہ دیر اس تننگ ءِ ، ملک ءِ عمران خان نا پسند نا فیصلہ غاتے اٹ آخا بلکن آئین و کانود نا رداٹ چلینگوئی ءِ۔