پیپلزپارٹی و جے یو آئی اف ڈپٹی اسپیکر پنجاب اسمبلی نا رولنگ نا برخلاف سپریم کورٹ اٹی زیر سماعت کیس اٹ فریق مننگ کن درخواست دائر کریر

اسلام آباد۔ 25 جولائی (اے پی پی) پاکستان پیپلزپارٹی و جے یو آئی ف ڈپٹی اسپیکر پنجاب اسمبلی نا رولنگ نا برخلاف سپریم کورٹ اٹی زیر سماعت کیس اٹی فریق مننگ کن درخواست دائرکرینو۔ پاکستان پیپلزپارٹی پارلیمنٹرینز نا راہشون فرحت اللہ بابر نا کنڈآن دائر کروک درخواست اٹی موقف کننگانے کہ پاکستان پیپلزپارٹی عدالتی فیصلہ آن زہمی مننگ کیک، پیپلزپارٹی اسپیکر رولنگ نا بابت کیس انا اہم فریق ءِ، چیئرمین سینیٹ نا بابت یوسف رضا گیلانی نا اپیل ہم سپریم کورٹ اٹی زیر التواءِ۔ انصاف نا خواست آتیکن پیپلزپارٹی ءِ رولنگ کیس اٹ فریق جوڑ کننگے، ایلو دروشماٹ زہمی فریق ءِ بِنپننگ نا مترادف مریک، یوسف رضاگیلانی چیئرمین سینیٹ الیکشن اٹی پریزائیڈنگ آفیسر نا رولنگ نا زہمی ءِ۔ فرحت اللہ بابر نا کنڈآن ہندادرخواست ءِ ایڈووکیٹ فاروق ایچ نائیک عدالت عظمیٰ ٹی دائر کرینے۔ ہندا کیس اٹی فریق مننگ نا بابت ایلو درخواست ءِ جمعیت علمائے اسلام ف نا کنڈآن کامران مرتضیٰ دائر کرے۔ درخواست اٹی موقف اختیار کننگانے کہ چیف جسٹس ساڑی آ کیس اٹی ابہام تے مرکننگ کن فل کورٹ اس ٹہیفے۔