وزیراعلیٰ پنجاب حمزہ شہباز وزیراعلیٰ پنجاب نا گچین کاری تا بابت دائر کیس اٹی فل کورٹ اس ٹہیفنگ نا درخواست سپریم کورٹ اٹی دائر کرے

اسلام آباد۔ 25 جولائی (اے پی پی) وزیراعلیٰ پنجاب حمزہ شہباز وزیراعلیٰ پنجاب نا گچین کاری تا بابت دائر کیس اٹی فل کورٹ اس ٹہیفنگ کن درخواست سپریم کورٹ اٹی دائر کرے۔ حمزہ شہباز درخواست اٹی آرٹیکل 63 اے انا نظرثانی نا درخواست ہم اوڑتون اوار سماعت نا خواست کرے۔ الیکشن کمیشن نا برخلاف منحرف باسک آتا اپیل آتے ہم رولنگ کیس اتون بِننگ نا خواست کننگانے۔ دائر درخواست اٹی موقف اختیار کننگانے کہ منحرف باسک آتا بارواٹ الیکشن کمیشن فیصلہ نا برخلاف اپیل زیر التواءِ، ڈپٹی اسپیکر دوست محمد مزاری نا 22 جولائی آتروک آ رولنگ درست ءِ۔ الیکشن کمیشن منحرف باسک آتا برخلاف عمران خان نا کنڈآن جاری کروک آ پارت آتے امنا کرے، داسہ سپریم کورٹ اپیل آتے منظور کرے تو 25 منحرف باسک آتا کشوک آ وونٹ ہم گنتی ٹی شمار مریک، الیکشن کمیشن منحرف باسک آتا برخلاف عمران خان نا پارت آتا چٹھی تے سہی گوندا، چوہدری شجاعت حسین نا تینا ایم اپی اے تے نوشتہ کروک آ چٹھی ہم آئین و کانود نا رداٹ درست ءِ۔