حکومتی سیوت نا پریس کانفرنس اٹی مریم نواز، مولانا فضل الرحمان، بلاول بھٹو زرداری تون اوار غٹ جماعت آتا راہشونک بشخ ہلکر

اسلام آباد۔ 25 جولائی (اے پی پی) حکومتی سیوت نا راہشون تا پریس کانفرنس اٹی مریم نواز، مولانا فضل الرحمان ، بلاول بھٹو زرداری تون اوار غٹ جماعت آتا راہشونک بشخ ہلکر۔ دوشنبے نادے آپریس کانفرنس نا بناآ بنجائی وزیر حوالکاری و شینکاری مریم اورنگزیب پارے کہ پی ڈی ایم نا سروک مولانا فضل الرحمان، مسلم لیگ (ن) نا نائب صدر مریم نواز ، پیپلزپارٹی نا چیئرمین وزیر خارجہ بلاول بھٹو زرداری ، بلوچستان نیشنل پارٹی نا ہاشم نوتیزئی ، عوامی نیشنل پارٹی نا ایمل خان، مسلم لیگ ق نا طارق بشیر چیمہ، بلوچستان عوامی پارٹی نا خالد مگسی ، آزاد و قومی اسمبلی نا باسک اسلم بھوتانی، متحدہ قومی موومنٹ نا اسامہ قادری ساڑی ئسر، وخت اس کہ ایم کیو ایم نا کنوینر خالد مقبول صدیقی و جمہوری وطن پارٹی نا سروک بنجائی وزیر شاہ زین بگٹی، آزاد قومی اسمبلی نا باسک محسن داوڑ ئسک زوم انا کمک اٹ پریس کانفرنس اٹ بشخ ہلکر۔