مولانا فضل الرحمان سپریم کورٹ اٹی سیاسی راہشون تا پترینگ انگ آ پابندی نا بابت آئینی و کانودی چاہندار آتیان سلاہ بٹنگا

اسلام آباد۔ 25 جولائی (اے پی پی) جمعیت علمائے اسلام (ف) نا سروک مولانا فضل الرحمان سپریم کورٹ اٹی سیاسی راہشون تا پترینگ انگ آ پابندی نا بابت آئینی وکانودی چاہندار آتیان سلاہ بٹنگا۔ دوشنبے نادے آ حکمران سیوت نا راہشون تا پریس کانفرنس اٹی جے یو آئی (ف) نا سروک مولانا فضل الرحمان بشخ ہلوک آتے معلومدار کرے کہ ہرا سیاسی راہشون داڑے تولوک ءِ ، اونا سپریم کورٹ اٹی پترینگ انگ آ پابندی خلنگانے۔ مولانافضل الرحمان آئینی و کانودی چاہندار آتے پارے کہ او دابابت ننے تینا سلاہ تے ایتر۔ مسلم لیگ (ن) نا سینئر نائب صدر مریم نواز پارے کہ ننا سپریم کورٹ اٹی داخلہ ءِ بند کننگانے ولے بروک آ دے سپریم کورٹ نا دیوال آتیان جپنگا ، شیشہ غاتے پرغنگا۔