ملک اٹی براہ راست درملکی زرکاری ٹی مالی سال 2021-22اٹی سالانہ بنداو تیا 3 درسد ودکی مس، رپورٹ

اسلام آباد۔ 25 جولائی (اے پی پی) اسٹیٹ بینک پاکستان پارینے کہ ملک اٹی براہ راست درملکی زرکاری ٹی مالی سال 2021-22اٹی سالانہ بنداو تیا 3 درسد ودکی مس۔ ایس بی پی و زرکاری بورڈ انا کنڈآن دا بابت جاری حساب وکتاب نا رداٹ مالی سال 2021-22اٹی پاکستان اٹی براہ راست درملکی زرکاری نا کچ 1.868ارب ڈالر ریکارڈ کننگا ہرا مالی سال 2020-21نا مقابلہ ٹی 3 درسد زیات ءُ، مالی سال 2021اٹی پاکستان اٹی براہ راست درملکی زرکاری نا کچ 1.821 ارب ڈالر ریکارڈ کننگاسس۔ حساب وکتاب نا رداٹ تدوک آ مالی سال اٹی پاکستان اٹی چین نا براہ راست درملکی زرکاری نا کچ 532 ملین ڈالر، امریکہ 250 ملین ڈالر، سویٹزر لینڈ 146 ملین ڈالر، یو اے ای 144 ملین ڈالر، سنگاپور 115 ملین ڈالر، نیدر لینڈ 104 ملین ڈالر، جرمنی 89 ملین ڈالر، ملائیشیا 86 ملین ڈالر و ایلو ملک آک 210 ملین ڈالر نا زرکاری کریر۔