گیگ بدل توانائی نا بشخ اٹی زرکاری آن پاکستان اٹی روزگار نا 3 لکھ وارخواہی ودی کننگ مریک، جہانی بینک انا رپورٹ

اسلام آباد۔ 25 جولائی (اے پی پی) گیگ بدل توانائی نا بشخ اٹی زرکاری آن پاکستان اٹ روزگار نا 3 لکھ آن زیات وارخواہی ودی کننگ مریک۔ جہانی بینک انا رپورٹ انا رداٹ پاکستان اٹی گیگ بدل ذریعہ اٹ توانائی نا دوئی کننگ نا ڈٹ آتیا زرکاری آن 2030ء اسکان روزگار نا اسہ لکھ 90 ہزار بلاواسطہ وخت اس کہ اسہ لکھ 37 ہزار بالواسطہ پوسکن آ وارخواہی ودی کننگ مریک۔ داوخت آ پاکستان اٹی گیگ بدل توانائی نا صنعت 14 ہزار بندغ آتے براہ راست وخت اس کہ 11 ہزار بندغ ءِ بالواسطہ روزگار فراوان کننگ ءِ۔ رپورٹ نا رداٹ روزگار نا فراوانی نا دا وارخواہی 202ء نا ایسر اسکان شمسی توانائی آن بجلی ودی کننگ نا ڈٹ آتیان ودی کننگاسس۔ جہانی بینک پارے کہ اگہ خوانوک آ ورناتے فنی کسبی تربیت فراوان کننگے تو اوفتے روزگار نا دوئی کننگ اٹ کمک ملنگ کیک ہراڑآن ملک اٹی بے روزگاری نا کچ ءِ ہم کم کننگ مریک۔