فری لانسنگ نا جہانی مارکیٹ نا کچ 15 کھرب ڈالر، 77 ملین فری لانسر خذمت سرتننگ ءُ

اسلام آباد۔ 25 جولائی (اے پی پی) فری لانسنگ نا جہانی مارکیٹ نا کچ 15 کھرب ڈالر ءِ، داوخت آ 77ملین فری لانسربشخ اٹی خذمت سرتننگ ءُ۔ حکومت نا سرپرستی و فری لانسنگ نا کچ آن فائدہ ہرفسا پاکستان وام تیان نجات دوئی کننگ کیک۔ ملک انا پنی آ فری لانسرو ڈیجیٹل مارکیٹرآک پارینو کہ داوخت آ فری لانسنگ نا جہانی مارکیٹ نا کچ 1.5 ٹریلین ڈالر ءِ وخت اس کہ 77 ملین فری لانسربشخ اٹی خذمت فراوان کننگ ءُ۔ اوفک پاریر کہ اگہ حکومت سرپرستی ءِ کے تو بشخ انا کچ آن فائدہ ہرفسا پاکستان وام تیان باآسانی نجات دوئی کننگ کیک۔ پنی آ فری لانسر رحمان اللہ والا دا بابت پارے کہ پاکستان اٹی 70 ملین میٹرک پاس ورناءُ۔ گرافکس نا بشخ اٹی مہارت تخوک آ ورناک آسانی اٹ ماہانہ 500 ڈالر اسکان کٹیا کننگ کیرہ۔ اوپارے کہ اگہ قومی آبادی نا بیرہ 5 درسد بشخ یعنی 10 ملین بندغ ماہانہ 500 ملین ڈالر کٹیا کننگ نا بناءِ کیر تو او سالانہ 120 ارب ڈالر کٹیا کننگ کیرہ ہراڑآن پاکستان درملکی وام تیان آسانی اٹ خاصی دوئی کننگ کیک۔ اوپارےے کہ حکومت ءِ مرے کہ او قومی کہول آ فری لانسنگ نا مون آ دننگ نا مہم نا بناءِ کے و آئی ٹی نا بشخ انا مہارت آتے تعلیم نا بشخ جوڑ کننگے تو پاکستان آسانی اٹ دا ہدف ءِ دوئی کننگ کیک۔