ابوظہبی ٹی کاریم کروک آ پاکستانی تا زررادہ کننگ اٹ تدوک آ مالی سال اٹی 27.7 درسد ودکی

اسلام آباد۔ 25 جولائی (اے پی پی) ابوظہبی ٹی کاریم کروک آ پاکستانی تا زررادہ کننگ اٹ تدوک آ مالی سال اٹی 27.7 درسد نا نمو ریکارڈ کننگانے۔ اسٹیٹ بینک انا کنڈآن دا بابت جاری کروک حساب وکتاب نا رداٹ مالی سال 2022 اٹی ابوظہبی ٹی کاریم کروک آ پاکستانیک 1.026 ارب ڈالر نا زرمبادلہ ملک آ گدریفیر ہرا مالی سال 2021 نا ہندا مد انا مقابلہ ٹی 27.7 درسد زیات ءُ، مالی سال 2021 اٹی ابوظہبی ٹی کاریم کروک آ پاکستانیک 944.8 ملین ڈالر نا زرمبادلہ ملک آ گدریفیسر۔ جون 2022 اٹی ابوظہبی ٹی کاریم کروک آ پاکستانیک 110.9 ملین ڈالر نا زرمبادلہ ملک آ گدریفیر ہرا مئی ٹی 97.4 ملین ڈالر و تدوک آ سال جون اٹی 100.6 ملین ڈالر ئسر۔ اسٹیٹ بینک انا کنڈآن کانودی و بینکنگ ذریعہ اٹ زررادہ کننگ نا است بڈی کن گام گیج و آسراتی تا نتیجہ ٹی سمندر آن ایپار پاکستانی تا زررادہ کننگ اٹ تدوک آ مالی سال اٹی 6.1 درسد نا نمو ریکارڈ کننگانے۔