کوئٹہ۔ 22 جولائی (اے پی پی) بلوچستان اٹی طوفانی پِر تیان پین 9 بندغ زوال کریر ہراڑآن جم زوال کروک آتا کچ 99 مس۔ سرجم حوال آتا رداٹ پی ڈی ایم اے پِر تیان مروک آ نسخان تا رپورٹ ءِ جاری کرینے، ترجمان پی ڈی ایم اے اتھارٹی نا رداٹ 24 گھنٹہ ٹی پین 9 بندغ پِرتا گواچی مسر ، وخت اس کہ ساڑی آ پِر تیٹی چندی شکست آتیٹی زوال کروک آ بندغ آتا کچ 99 مسنے۔ پی ڈی ایم اے نا رداٹ زوال کروک آتیٹی زالبول و چناتا بھلو کچ اس اوار ءِ، داتم اسکان 39 نرینہ، 28 زالبول ، و 32 چنازوال کرینو۔ مرک بولان ، کوئٹہ، ژوب ، دکی، خضدار ، کوہلو ، کیچ ، مستونگ ، ہرنائی ، قلعہ سیف اللہ و سبی ٹی مس ، پِر تیٹی شکست آتیٹی 57 بندغ ٹھپی ہم مسنو۔ پی ڈی ایم اے نا رپورٹ اٹی پاننگانے کہ پِر تیٹی جم وڑاٹ مچ آ صوبہ ٹی 3953 ہند آک تمار، 550کلومیٹر آ تالان جتا 4 شاہراہ زہمی مسر و 706 ساہدار کسکنو۔