کابل۔ 22 جولائی (اے پی پی) اوغانستان نا عبوری حکومت نا وزیر امر بالمعروف و نہی عن المنکر محمد خالد حنفی اوغانستان اٹی اقوام متحدہ نا کمکی مشن (یو این اے ایم اے ) نا کنڈآن اوغانستان اٹی انسانی حق انا خلاف ورزی تیا جاری رپورٹ ءِ مسترد کرسا پارینے کہ دا رپورٹ پورو وڑاٹ دروغ آ جوڑ ءِ۔ اوامریکہ و جہانی برادری آ دوبہ خلک کہ او اوغانستان نا داخلی امور اٹی نیام تمنگ ءُ۔ اوغان میڈیا نا رداٹ اوصوبہ پکتیا ٹی اسہ مچی سے ٹی پارے کہ جہانی برادری انسانی حق انا بہانہ غا اوفتیا زور شاغنگ ءِ۔ اوپارے کہ اگہ جہانی برادری دا تکک کہ او اوغان حکومت آ زور شاغسا اوفتا موقف ءِ بدل کیک تو کنا قول ءِ کہ نن شرعی کانود آ عملدرآمد آن اسہ گام اس ہم پدی مفنہ۔ اوغان حکومت نا نائب ترجمان بلال کریمی پارے کہ اوغانستان اٹی طالبان تا اقتدار اٹ بننگ آن پد ہر بشخ اٹی انسانی حق انا حالیت آتیٹی گچینی بسنے و مخلوق ءِ کسفپننگ انگ ءِ۔
