کوئٹہ۔ 21 جولائی (اے پی پی) اسسٹنٹ کمشنر خضدار جہانزیب نور شاہوانی پارینے کہ ضلعی انتظامیہ مشکل ساہت اٹی الس تون تفوک ءِ۔ طوفانی پِر اٹی اسسٹنٹ کمشنر خضدار لیویز فورس اتون اوار اسماعیل آباد، مین آرسی ڈی روڈ زندہ پیر و لزوایریاٹی نکاسی آب اٹی اختہ، سرجم حوال آتا رداٹ ڈسٹرکٹ خضدار سٹی ایریاٹی اینو طوفانی پِر مس ہرانا سوب آن ہرجاگہ غا دیر ہی دیر سلیس۔ ڈپٹی کمشنر خضدار میجر ر محمد الیاس کبزئی نا پرمان آ اسسٹنٹ کمشنر خضدار جہانزیب نور شاہوانی پِر اٹی لیویز انچارج نور احمد زہری و لیویز فورس ورناتتون اوار اسماعیل آباد اٹی اسہ اُراسے ٹی دیر بسوسس ہرافتا کشار۔ امارات ہوٹل نا خڑک مین آرسی ڈی روڈ آ دیر انا نکاسی کننگا۔ اسسٹنٹ کمشنر خضدار پارے کہ مشکل ساہت اٹی الس تون ہم کوپہ سلوک اُن، الس ءِ اسُل تنیا الیپنہ۔