کوئٹہ۔ 20 جولائی (اے پی پی) کوئٹہ میٹرو پولیٹن کارپوریشن ناایڈمنسٹریٹر جبار بلوچ پارینے کہ کاسی قبرستان آن ہڑی آ کچک آتا چٹفنگ کن تعلقدار آفیسر و کارندہ غاتے پرمان جاری کننگانے، میڈیا تون گپ وتران اٹی اوپارے کہ میٹروپولیٹن کارپوریشن شار انا زیبائی نا بحالی کن غٹ وسیلہ غاتے کاریم اٹ اتنگ ءِ الس نا کمک اٹ کوئٹہ نا زیبائی ءِ بحال کینہ۔ اوپارے کہ تدوک آ دے تیٹی سوشل میڈیا غا وائرل مروک آ ویڈیو آ اونوٹس ہلسا میٹروپولیٹن کارپوریشن نا تعلقدار کمامدار آتے ہڑی آ کچک آتا چٹفنگ کن مہم اس بناکننگ نا پرمان جاری کرے۔ اوپارے کہ شار ننا غٹ انا اُرا ءِ ہرانا زیبائی و بحالی کن اسیجائی کوشست المی ءِ۔