کوئٹہ۔ 20 جولائی (اے پی پی) نیشنل پارٹی نا صوبائی صدر مسکوہی وزیر جان جوڑی رحمت صالح بلوچ نوکاپ زہمی تتون ہمدردی و یکجہتی کن نیشنل پارٹی نا ڈل اتون پنجگور نا چندی علاقہ غاتا دورہ ءِ کرے و زہمی تا نسکان تا جاچ ءِہلک۔ نیشنل پارٹی نا ضلعی جنرل سیکرٹری محمد صدیق بلوچ، تحصیل پنجگور نا صدر تاج نعیم بلوچ، تحصیل پروم نا صدر محمد عالم سنجرانی تحصیل پنجگور نا خازن محمد نواز بلوچ مسکوہی ضلعی چیئرمین پنجگور عبدالمالک صالح بلوچ، میونسپل کارپوریشن چتکان خدابادان کونسلر شبیر یاسین، تحصیل گچک ڈپٹی آرگنائزر و جنرل کونسلر علی جان سمالانی و ایلوفک ہم اوڑتون اوار ئسر۔ داوخت آمسکوہی وزیر جان جوڑی رحمت صالح بلوچ حکومت بلوچستان آن دمدستی وڑاٹ نسخان تا جاچ ءِ ہلسا کمکی کارروائی تا بناءِ کننگ نا خواست کرے، اوپارے کہ پنجگور ءِ آفت زدہ گوندسا پِر تیان مروک آ نسخان تا ازالہ ءِ کننگے۔