جعفر آباد ، ڈیرہ اللہ یار کچی بندآ پولیس و داڑیل آتا مقابلہ، اسہ داڑیل اس زوال کرے

کوئٹہ۔ 19 جولائی (اے پی پی) جعفر آباد اٹی پولیس وداڑیل آتامقابلہ ٹی اسہ ایلو آ سم کاری ٹی اسہ داڑیل اس زوال کرے وخت اس کہ اسہ پولیس کارندہ اسے تون اوار اِرا بندغ ٹھپی مسنو۔ پولیس نا رداٹ سے شنبے نادے آ جعفر آباد نا علاقہ ڈیرہ اللہ یار کچی بند انا ہند آن داڑیل اسہ بندغ اسے آن موٹرسائیکل ءِ پلسا نراکہ کہ پولیس وخت آ کارروائی کرے ہراٹی داڑیل و پولیس نا نیام اٹ اسہ ایلو آ سم کاری مس ، سم کاری آن اسہ داڑیل اس ہمووخت آ زوال کرے  وخت اس کہ اِرا داڑیل داوخت آ نرنگ اٹ سرسہب مسر۔اسہ ایلو آ سم کاری ٹی پولیس کارندہ ہزار خان و اِرا بندغ ٹھپی مسر۔ پولیس لاش و ٹھپی تے ڈی ایچ کیو ہسپتال ڈیرہ اللہ یار آ گدریفینو، پولیس علاقہ ناناکہ بندی ءِ کرسا داڑیل آتا پٹنگ نا بناءِ کرینے۔