بلوچستان اٹی پِر تیان پد باسنی نا شدت اٹی ودکی

کوئٹہ۔ 19 جولائی (اے پی پی) بلوچستان اٹی پِر تیان پد باسنی نا شدت اٹی ودکی مس۔ محکمہ موسمیات نا رداٹ بروک آ منہ دے اسکان بلوچستان نا گیشتر ضلع غاتیٹی موسم باسن و جمری مریک ولے خضدار، قلات، لسبیلہ ، خاران ،مکران، تربت، پنجگور ، آواران ، جیونی و گوادر اٹی پِر انا گمان ءِ۔ محکمہ موسمیات نا رداٹ تدوک آ 24 گھنٹہ ٹی پنجگور اٹی 15، تربت و لسبیلہ ٹی 10 ملی میٹر، گوادر اٹی 9، پسنی ٹی 6، جیونی و بارکھان اٹی 2 و خضدار اٹی 1 ملی میٹر پِر ریکارڈ کننگا۔ یات سلے کہ تدوک آ دے بلوچستان اٹی طوفانی پِر تا سوب آن چندی علاقہ غاتیٹی نوکاپی حالیت ودی مس، اوکان پد کوئٹہ، قلات، خضدار، آواران، تربت، قلعہ سیف اللہ، مسلم باغ، لسبیلہ، چمن، کوہلو و ایلو ضلع غاتیٹی ریلیف و ریسکیو سرجزآک داسکان برجاءُ۔