کوئٹہ۔ 10 جولائی (اے پی پی) صوبائی وزیر خزانہ سردار عبدالرحمان کھیتران بھلا عئید انا وخت آ تینا کلہو اٹی پارینے کہ اینو نن غٹ جم وجوش اٹ بھلا عئید ءِ اڈتننگ اُن، دا اہم وخت آ نن غٹ مقدس روایت آتےمون آ تخسا اگہ اسوہ ابراہیمی علیہ السلام نا اسل روح ءِ تازہ کین تو ساڑی حالیت آتیٹی حضرت اسماعیل نا اطاعت آن ہمو روشنائی ءِ دوئی کننگ کینہ ہرانا شعاع تیان تینا و تینا راج انا غٹ تہاری تے چٹفنگ مریک۔ اوپارے کہ سخیک بھلا عئید انا مبارک دے اٹی ضرورت مند ، نیزگار و بے اُرا زہمی ایلم تے ہم تینا خوشی تیٹی شریک کننگ ءِ گیرام کپس۔ سردار عبدالرحمان کھیتران پارے کہ اینو نادے نئے بیرہ غٹ مسلمان تیکن خوشی نا تہوار اسے بلکن دا امت مسلمہ کن بے مٹ سیوت و یکجہتی نا درشانی ہم ارے۔
