کوئٹہ۔ 10 جولائی (اے پی پی) قومی اسمبلی نا باسک میر خان محمد خان جمالی غٹ مسلمان تے عئید انا مبارکبادی تسنے، بھلاعئید انا وخت آ تینا اسہ بیان اسے ٹی قومی اسمبلی نا باسک میر خان محمد خان جمالی پارینے کہ اینو نادے نئے بیرہ ننے سنت ابراہیمی آ عمل کرسا قربانی نا رغامک بلکن صبر و سگ و ایثار نا تعلیم ہم ایتک ہرانا ساڑی آ وخت اٹی بھاز گرج ءِ۔ اوپارے کہ اگہ نن ملک ءِ مون تروک چیلنج آتون سرسہبی اٹ مون تننگ خوانہ تو ننے سنت ابراہمی ءِ کسر نا ڈیوا جوڑ کرسا اسلامی رغاموک آتا رداٹ تینا زندءِ تیر کننگ و تینے ٹی سگ و قربانی نا جوزہ ودی کروئی مریک۔
