کوئٹہ۔ 10 جولائی (اے پی پی) صوبائی سلاہکار داخلہ میر ضیاء لانگو بھلا عئید اٹی مچ آ صوبہ ٹی جم وڑاٹ امن و ایمنی نا است جم حالیت آتیا است جمی نا درشانی ءِ کرسا پولیس لیویز و ایف سی تون اوار غٹ سیکورٹی ادارہ غاتا گچین گام گیج آتیا فورس آتا کارکڑد نا ستاءِ کرینے۔ اے پی پی تون گپ وتران کرسا میر ضیاء اللہ لانگو پارے کہ حکومت بلوچستان کوئٹہ تون اوار مچ آ صوبہ ٹی بھلا عئید انا وخت آ امن و ایمنی کن فول پروف سیکورٹی پلان اس ٹہیفے و غٹ ڈویژنل کمشنر و ڈپٹی کمشنر و اسسٹنٹ کمشنر آتون اوار ضلعی پولیس آفیسر آک تینا تعیناتی نا جاگہ غاتیا ساڑی ئسر و عئید گاہ تتون اوار عئید انانماز کن جتا ہند آتا جاچ ءِ ہلسا کریر۔ سیکورٹی پلان آ سد درسد عملدرآمد ءِ پک کننگا۔ میر ضیاء اللہ لانگو غٹ سیکورٹی ادارہ غاتا کارکڑد انا ستاءِ کرسا اوفتے شاباشی تس۔
