کوئٹہ۔ 30 جون (اے پی پی) سبی کوئٹہ روڈ ڈھاڈر مشکاف موڑ آ کار و مزدا اسے نا ڈوک لگنگ آن 4 بندغ زوال و 5 ٹھپی مسنو۔ ایس ایس پی کچھی محمد یوسف بھنگر نا رداٹ پنچ شنبے نادے آ بلوچستان نا علاقہ ڈھاڈر مشکاف موڑ آ ترند رفتاری نا سوب آن کار و مزدا اس ڈوک لگار ہراڑآن 4 بندغ ہمووخت آ زوال کریر و 5 ٹھپی مسر، حوال ملنگ تون ضلعی انتظامیہ و پولیس واقعہ نا جاگہ غا سرمرسا لاش و ٹھپی تے ہسپتال آ گدریفیر ہراڑے ٹھپی تے طبی امداد تننگ انگ ءِ وخت اس کہ لاش آتا درستی راستی نا چرجوئی ہم برجاءِ۔
