کوئٹہ۔ 24 جون (اے پی پی)پاکستان پیپلزپارٹی کوئٹہ ڈویژن نا صدر خیر محمد ترین پارینے کہ پیپلزپارٹی کوئٹہ و ضلع لسبیلہ ٹی مروک آ بلدیاتی گچین کاری تیٹی بشخ ہلسا پبی سرسہبی دوئی کیک کارندہ غاک پاکستان پیپلزپارٹی نا اومیتدار آتا گچین کاری مہم ءِ پبی وڑٹ چلیفر، پیپلزپارٹی ہراوڑ صوبہ نا ایلو ضلع غاتیٹی بلدیاتی گچین کاری تیٹی سرسہبی دوئی کرے ہموڑے کوئٹہ و لسبیلہ ٹی ہم سرسہبی انشاء اللہ پارٹی سرسہبی مریک۔ داہیت ءِ او الیکشن کمیشن آف پاکستان نا کنڈآن کوئٹہ ٹی بلدیاتی گچین کاری تا شیڈول نا پڑو آن پد کوئٹہ ڈویژن نا عہدیدار و کارندہ غاتون گپ وتران کرسا پارے۔ خیرمحمد ترین پارے کہ پاکستان پیپلزپارٹی الس نا حق انا دوئی کننگ کن جہد کننگ ءِ ہندا سوب ءِ کہ پارٹی الس نا آتیٹی ءِ بلوچستان نا الس بلوچستان نا 32 ضلع غاتیٹی مروک آ بلدیاتی گچین کاری تیٹی پیپلزپارٹی نا اومیتدار آک پبی سرسہبی دوئی کریر داسہ کوئٹہ و لسبیلہ ٹی مروک آ بلدیاتی گچین کاری تیٹی ہم پاکستان پیپلزپارٹی پبی بشخ ہلسا سرسہبی دوئی کیک۔ اوپارے کہ پکستان پیپلزپارٹی نا کارندہ غاک کوئٹہ و لسبیلہ ٹی مروک آ بلدیاتی گچین کاری تیٹی پارٹی نا اومیتدار آتا گچین کاری مہم ءِ پبی وڑاٹ چلیفر و اوفتا سرسہبی کن تینا کڑد ءِ ادا کیر۔
