کوئٹہ۔ 24 جون (اے پی پی)سیاسی و راجی راہشون بابر یوسفزئی پارینے کہ پاک فوج مدام ملک انا دفاع و الس نا جان و مال انا رکھ اکن تینا جون تے ندر کرینے پاک فوج و سیکورٹی ادارہ غاتا برخلاف پروپیگنڈا کروک آ ک ہچ ءُ حالیت اسے ٹی ملک و الس نا خیرخواہ مننگ کپسہ مچ آ پاکستانی الس ملک انا دفا ع کن پاک فوج اتون ہم کوپہ سلوک ءُ و کس اسے دا اسُل موکل تفنہ کہ او فوج و سیکورٹی ادارہ غاتے تینا فائدہ غاتیکن کاریم اٹ اتے۔ داخیال آتا درشانی ءِ او جمعہ نادے آ ’’اے پی پی‘‘ تون خصوصی گپ وتران کرسا کرے۔ اوپارے کہ پاکستان ءِ ننا باوہ پیرہ جانی و مالی قربانی و مرغن ءُ جہد اسے آن پد دوئی کریر اونا رکھ ءِ کننگ داسہ ننا غٹ انا اسیجائی زمواری ءِ ملک انا دفاع، دہشت گردی نا چٹفنگ و الس نا جان و مال انا رکھ اکن پاک فوج و ایلو ادارہ غاک جانفشانی اٹ تینا فرض ءِ سرتننگ ءُ داتم اسکان سد آ سیکورٹی کارندہ و الس ملک آن دہشت گردی نا چٹفنگ کن تینا جون تے ندر کرینو ولے گڑاس زموار تینا جند انا فائدہ غاتا دوئی کننگ کن پاک فوج و سیکورٹی ادارہ غاتے بے سوب تنقید نا شست کرسا متنازعہ کننگ نا کوشست آتیٹی لگوک ءُ ہرافتے پاکستان نا الس اسل تینا ناپاک مسخت آتیٹی سرسہب مننگ کن الیپک۔ اوپارے کہ پاکستان نا ایٹمی میرات رکھ انگا دوتیٹی ءِ اگہ کس اس پاکستان نا کنڈآ خراب انگا نظر اٹ ہُننگ نا کوشست کرے تو الس پاک فوج اتون اواری اٹ دشمن ءِ پبی ورندی ایتک۔ بابرخان یوسفزئی سیاسی جماعت آتیان ہم خواست کرے کہ او تینا سیاسی مسخت و جندی فائدہ غاتیکن پاک فوج و ایلو ادارہ غاتے سیاست اٹ گریپس۔
