کوئٹہ۔ 23 جون (اے پی پی) ریجنل الیکشن کمشنر نصیر آباد ڈویژن عبداللہ خان پارینے کہ بروک آ لس گچین کاری تیٹی کاریم اٹ اتوک آ گچین کاری لڑتیا نظرثانی نا کاریم ترندی اٹ برجاءِ، دا مسخت کن ڈویژن اٹی 308 ڈسپلے سینٹر جوڑ کننگانے ہراڑے گچین کاری فہرست آتا مسودہ ءِ تخنگانے۔ اسہ بیان اسے ٹی اوالس آن خواست کرے کہ او خڑک انا ڈسپلے سینٹر نا دورہ ءِ کرسا تینا پن انا سہی بلاک اٹ درج کننگ ءِ پک کیر، پن انادرج کننگ کن فارم 15-و کوائف اٹی درستگی کن فارم 17 ءِ کاریم اٹ اتنگک، اونا تاریخ 19 جون اسکان ئسک ہرادے الس نا آسراتی تے مون آ تخسا 30 جون اسکان ودفنگانے۔ شاریک آخیریکو تاریخ نا انتظار ءِ کننگ آن بیدس خڑک انا ڈسپلے سینٹر نا دورہ ءِ کیر یا تینا ضلعی الیکشن کمشنر نا دفتر تون رابطہ کیر۔
