کوئٹہ۔ 22 جون (اے پی پی) بلوچستان نا ضلع کوہلو ٹی شنزہ ئی پِرتیان زہمی علاقہ غاتیٹی کمکی سرجزآک برجاءُ۔ سرجم حوال آتا رداٹ ڈپٹی کمشنر کوہلو قربان علی مگسی نا خصوصی پارت آ لیویز فورس و محکمہ کشاری انجینئرنگ اینڈ ورکس ماوند اٹی سوناری نا ہند آ نوکاپی ریلہ غان زہمی کوہلو کوئٹہ قومی شاہراہ ءِ بحال کننگ اٹ اختہ ءِ ہراڑے ہیوی مشینری و عملہ سرمسنے اوکان پد علاقہ نا زہمی علاقہ غاتیٹی رابطہ سڑک آتا بحالی ٹی انتظامیہ کوشست کننگ ءِوخت اس کہ کوہلو ٹی ساڑی آ پِر و نوکاپی حالیت آتا سوب لیویز لائن اٹ ایمرجنسی کنٹرول روم اس جوعڑ کننگانے ہراڑے غٹ علاقہ غاتا چاروکی ءِ کننگ انگ ءِ و ہروڑنا حالیت آتون مون تننگ کن لیویز نا چندی ٹیم ٹہیفنگانےساڑی آ پِر و ندی نالہ غاتیٹی طغیانی نا نتیجہ ٹی ضلعی انتظامیہ شاری تے بے گرج سفر آن پاناد کننگ نا پارت جاری کرینے۔
