کوئٹہ۔ 17 جون (اے پی پی) بلوچستان نا سینئر نائب صدر نواب سلمان خان خلجی پارینے کہ مسلم لیگ (ن) ہمو اسٹ آ جماعت ءِ ہرا الس ءِ ویل آتیان کشنگ نا لائخی تخک ، مسکوہی نابود حکمران تا پالیسی تا سوب آن ملک زرگزرانی وڑاٹ بدحالی نا گواچی ءِ بنجائی حکومت نا الس دوست پالیسی تا سوب آن ملک زوت مالی تنکی آن پیشن پیش تمک، بلوچستان اٹی مسلم لیگ (ن) فعال و منظم مننگ ءِ و انشاء اللہ بروک آ وخت مسلم لیگ (ن) نا ءِ نازیہ قریشی ءِ تینا سنگت آتون اوار پاکستان مسلم لیگ (ن) بلوچستان اٹ اواری آ مبارکبادی ایتنہ۔ داہیت ءِ او جمعہ نادے آ نازیہ قریشی ایڈووکیٹ، نورین فاطمہ ایڈووکیٹ، نادیہ سلیم، ثانیہ شاہ و ایلوفتا بلوچستان عوامی پارٹی و ایلو سیاسی جماعت آتیان استیفہ ترسا مسلم لیگ (ن) اٹ اوار مننگ نا وخت آ کوئٹہ پریس کلب اٹ پریس کانفرنس کرساپارے۔ داوخت آ نازیہ قریشی ایڈووکیٹ تینا ایلو سنگت آتون اوار بلوچستان عوامی پارٹی آن استیفہ ترسا مسلم لیگ (ن) نا مرکزی صدر میاں شہباز شریف، صوبائی سینئر نائب صدر نواب سلمان خان خلجی و ایلوفتا کماشی آ پورو پت انا درشانی ءِ کرسا مسلم لیگ (ن) اٹی اوار مننگ نا پڑو کرے۔ نواب سلمان خان خلجی نازیہ قریشی ایڈووکیٹ ءِ تینا سنگت آتون اوار مسلم لیگ (ن) اٹی اوار مننگ آ مبارکبادی ترسا پارے کہ اوفتا اوار مننگ آن بلوچستان اٹی مسلم لیگ (ن) پین فعال و منظم مریک و نازیہ قریشی ایڈووکیٹ و اوفتا سنگت پارٹی نا کلہو ءِ اُرااُراغا سرکننگ اٹ تینا کڑد ءِ ادا کیرہ۔ اوپارے کہ بلوچستان اٹی مسلم لیگ (ن) فعال و منظم مننگ ءِ و چندی سیاسی جماعت آتیان کارندہ و سرکڑدہ مایوس مرسا مسلم لیگ (ن) اٹی اواری اختیار کننگ ءُ انشاء اللہ بروک آ وخت پاکستان مسلم لیگ (ن) نا ءِ و مسلم لیگ (ن) لس گچین کاری تیٹی بلوچستان تون اوار مچ آ ملک اٹی کلین سویپ کیک۔ اسہ سوج اسے نا ورندی ٹی نواب سلمان خان خلجی پارے کہ مسکوہی نابود حکمران تا ہیبدار پالیسی تا سوب آن بدترین زرگزرانی تنکی نا گواچی ءِ آئی ایم ایف و ورلڈ بینک اتون عمران نیازی نا معاہدہ غاتا سوب آن ملک اٹی پیٹرولیم مصنوعات آتا نہاد آتیٹی ساڑی بنجائی حکومت ءِ ودکی کروئی تمنگ ءِ اگہ حکومت پیٹرولیم مصنوعات اٹی ودکی کپک تو ملک خواتہ مننگ نا گڑتی ئس۔ اسہ سوج اسے نا ورندی ٹی نواب سلمان خلجی پارے کہ وزیراعظم میاں شہباز شریف نا کماشی ٹی بنجائی حکومت الس ءِ ریلیف نا فراوانی کن گام گیج کننگ ءِ ہرانا مثبت بھرم زوت الس نا مون آ بننگ بناکیک وزیراعظم بلوچستان نا شونداری ٹی خاص است خواہی ہلنگ ءِ گوادر سی پورٹ تون اوار ایلو ڈٹ آتا پوروی آن بلوچستان اٹی شونداری و شونہالی نا پوسکن آ دور بناکیک و ورناتے روزگار نا وارخواہی دُوبریک۔ اسہ سوج اسے نا ورندی ٹی اوپارے کہ اونا کماشی ٹی مسلم لیگ (ن) بلوچستان نا اسہ ڈل اس زوت اسلام آباد آ ہنسا وزیراعظم شہباز شریف تون اوڑدہی کیک و بلوچستان نا ویل آتا بابت 5 ٹکی ایجنڈا اس پیش کیک۔
