کوئٹہ۔ 17 جون (اے پی پی) احتساب عدالت کوئٹہ نجی بینک منیجر نا برخلاف الس تون درو و کرپشن نا ڈوہ پک مننگ آ 5 سال بندی و 6 کروڑ روپئی جرمانہ نا سز ابنفے۔ ترجمان نیب انا رداٹ احتساب عدالت کوئٹہ نجی بینک منیجر دوست محمد ناصر نا برخلاف الس تون درو و کرپشن نا ڈوہ پک مننگ آ دوبہ دار ءِ 5 سال بندی و 6 کروڑ روپئی جرمانہ نا سزا بنفینے۔ نیب انا کنڈآن پراسیکیوٹر محمد داود جان کیس انا پیروی ءِ کرے وخت اس کہ احتساب عدالت نا جج جناب آفتاب احمد لون فیصلہ بنفے۔ سرجم حوال آتا رداٹ نیب بلوچستان ءِ نجی بینک انا میزان چوک برانچ نا منیجر نا برخلاف 60 آن زیات زہمی تا کنڈآن غاو دوئی مس ہراڑآ نیب جاست وپاست نا بناءِ کرے تو معلوم مس کہ دوبہ دار متوازی بینکنگ نا کمک اٹ اکاؤنٹس ہولڈر آتا جمع کروک آ زر انا جاگہ غا بینک اٹ جمع کرفنگ نا نغڑدانے۔ ڈوہ انا منکشف مروک و جاست و پاستی ادارہ نا کنڈآن جاست وپاست آن پد ریفرنس دائر کننگ آن پد دوبہ دار نروک ئسک۔ نیب احتساب عدالت نا کنڈآن بینک منیجر ءِ اشتہاری گوندنگ آن پد دوبہ دار ءِ کوئٹہ نا نواحی علاقہ غان دزگیر کرسا جوڈیشل ریمارڈآ زندان آ گدریفیسس۔ احتساب عدالت کوئٹہ دوبہ دار و استغاثہ ءِ بِننگ آن پد دوبہ دار نا برخلاف ناقابل تردید شاہدی تے مون آ تخسا بندی و جرمانہ نا سزا بنفینے۔
