کوئٹہ۔ 16 جون (اے پی پی) سیکرٹری جان جوڑی بلوچستان صالح محمد ناصر تینا ٹیم اتون جناح روڈ کلینک، میڈیکل اسٹور ولیبارٹری تیا چھاپہ خلسا کارروائی کرے، سیکرٹری جان جوڑی تون اوار ایڈیشنل سیکرٹری جان جوڑی حفیظ اللہ اغیور، وزیراعلیٰ بلوچستان نا اسپیشل کمیٹی محکمہ جان جوڑی نا چیئرمین ڈاکٹر نسیم کٹکیزئی، چیف ڈرگ انسپکٹر زاہد سالک، سینئر ڈرگ انسپکٹر زحافظ محمود الحسن و ایلو کمکار عملہ ساڑی ئسر، کارروائی ٹی نیشنل لیبارٹری ، ایاز لیبارٹری و داود لیبارٹری ءِ پیتھالوجسٹ مفننگ آ سیل کننگا، ناگی کلینک اٹ جوڑ غیرکانودی میڈیکل اسٹور ءِ سیل کننگا، سیکرٹری جان جوڑی بلوچستان صالح محمد ناصر ہنکینی فلیٹ اٹ جوڑ ناگی نرسری و شفا نرسری ءِ نامناسب جاگہ، گندہ چاگڑد آ سیل کننگ نا پرمان جاری کرے۔ شفابے بی کیئر سینٹر ءِ ڈاکٹر مفننگ آ سیل کننگ نا پرمان جاری کرے۔ سیکرٹری جان جوڑی ہنکینی فلیٹ آتیٹی نرسری و میڈیکل اسٹور نا ساڑی گری آ تعلقدار کمامدارآتیا سخت ترندی نا درشانی ءِ کرے، اوپارت کرے کہ او لیبارٹری و نرسری تیٹی ڈاکٹر آتا ساڑی گری ءِ پک کیر، ہڑدے ئی بنداو آ کوئٹہ شار انا غٹ لیبارٹری و نرس آتے چیک کیر، اگہ کس اس غیرکانودی وڑاٹ سیل کروک آ کلینک آتے ڈی سیل کیک تو اونا برخلاف ہم کانودی نا رداٹ سخت کارروائی کننگک۔
