اسلام آباد۔ 20مئی (اے پی پی) وزیر صنعت و پیداوار غلام مرتضیٰ جتوئی پارینے کہ یوٹیلٹی اسٹورز اٹی بدعنوانی تا کیس آتا انکوائریک ایف آئی اے و نیب اٹی گدریفنگانو، کیہی بندغ آتے نوکری تیان برطرف کننگانے۔ جمعہ آ ایوان بالا نا دیوان اٹی وقفہ سوج آتا وخت سینیٹر طلحہ محمود نا سوج اناورندی ٹی وزیر برائے صنعت و پیداوار غلام مرتضیٰ جتوئی پارے کہ مسکوہی مسہ سال انا وخت یوٹیلٹی اسٹورز اٹی بدعنوانی تا کیس آتے ٹی پنجاب نا 23، سندھ انا 14، خیبر پختونخوا نا 13، بلوچستان نا 70افسر و کارندہ غاتا برخلاف کارروائی کننگا۔ کیہی بندغ آتے نوکری تیان برطرف کننگا۔ ایف آئی اے و نیب اٹی انکوائریک چلینگ انگ ئُ۔ چیئرمین باسک آتا کنڈآن سوج ئِ کمیٹی آ گدریفنگ نا خواست آ پارے کہ دا سوج انا ورندی آن ہچ گہس است جم مننگ کپک۔ سیاستدان اس مسکہ تو کارروائی مسکہ ولے بیوروکریٹس نا برخلاف کارروائی مننگ کپک۔
